AS AUGAS DO PLANETA

TEMA III

AS AUGAS

.I.-  A AUGA NA NATUREZA.

            A auga cobre o 71% da terra. As augas podense agrupar en dous grandes grupos:

a)      Augas mariñas: Son os mares e os océanos e ocupan algo máis do 97% do total das augas do planeta.. Son salgadas.

b)      Augas continentais: Son os ríos, lagos, xeos e augas subterráneas. Representan algo menos do 3% da auga total do planeta. Son augas doces.

A auga está continuamente en circulación completando o ciclo da auga.

2.-  OS RIOS.

            Un rio é unha corrente permanente de auga. O lugar onde aparece o rio chámase nacemento ou cabeceira. O camiño que recorre o rio chámase leito ou curso. O lugar onde remata un rio e a desembocadura.

A orixe dun rio esta na auga da chuvia, no desxeo das montañas  e nas augas subterráneas que saen á superficie. O territorio que ocupa un rio e os seus afluentes chámase conca hidrográfica.

O caudal dun rio  é a cantidade de auga que leva. Se o caudal dun rio é máis ou menos  igual todo o ano dise que tan caudal regular, se varía moito dise que ten caudal irregular.

3.-  AS AUGAS MARIÑAS.

            Son os oceanos e mares. Son augas salgadas e a súa salinidade é variable , varía sobre todo coa temperatura.

            As augas mariñas están en movemento  e así temos:

a)      Mareas: Son as subidas e baixadas diarias do nivel do mar provocadas pola atracción do sol  e da lúa.

b)      Ondas: Son as ondulacións da superficie do mar producidas polo vento.

c)      Correntes mariñas: Son como rios dentro do mar. Haicorrentes mariñas frias e cálidas. As correntes mariñas poden influir no clima das costas próximas.

4.-  OS LAGOS

            Un lago é unha masa de auga que ocupa unha zona de terreo afundida. Os lagos formanse cando unha zona deprimida vai recollendo as augas das chuvias. Os lagos tamén se forman por recibir auga dun rio ou augas subterráneas  que non teñen saida ó mar. Os glaciares tamén poden formar lagos.

5.-  AS AUGAS SUBTERRÁNEAS.

            As augas subterráneas son as que circulan ou se embolsan baixo terra. As augas subterráneas fórmanse sobre todo pola filtración das augas da chuvia. As augas subterráneas forman auténticos riós e lagos  subterráneos. Cando atopan saida o exterior poden formar unha fonte ou rio.

6.-  O XEO

            A maior parte da auga doce da terra está en forma de xeo nas zonas polares. Estes xeos reciben o nome de glaciares. Tamén se chaman así cando o xeo se acumulan no cume das montañas. Os glaciares móvense, pero con gran lentitude.

                                                                          OCÉANOS

OS GLACIARES MOVENSE