Sistema Solar

TEMA I

A REPRESENTACIÓN DA TERRA

            I O GLOBO TERRÁQUEO.

            A terra ten forma esférica pero está lixeiramente achatada polos polos. A esta forma chámaselle xeoide.

            O globo terráqueo é a forma máis precisa de representar a Terra, xa que así non distorsionamos as formas do relevo, os océanos nin as distanzas.

            Na vida cotiá non se utiliza o globo terráqueo senón os mapas porque é máis cómodo e fácil.

            II OS MAPAS.

            Os mapas son representacións planas da terra. Como a terra non é plana os mapas distorsionan as formas e distancias da terra.

            Os xeógrafos distinguen tres tipos de mapas:

l        FÍSICOS: Representan o relevo e as augas dun territorio.

l        POLÍTICOS: Sinalan as divisións administrativas dos territorios (estados, provincias, concellos, pobos, etc.)

l        TEMÁTICOS: Proporcionan información dalgún aspecto concreto dunha zona determinada. (Climática, vexetación, demográfica, agrícola, histórica, etc).

            III ELEMENTOS DOS MAPAS.

            O mapa consta de distintos elementos que nos aportan información sobre o contido do mapa.

            Elementos do mapa son o título, a escala e a lenda.

            O título  indica o que representa o mapa.          

            A escala nos indica as veces que se reducíu o territorio que se representa.

            A lenda son os símbolos utilizados para representar os datos do mapa.

            IV  OS PUNTOS CARDINAIS.

            Os puntos cardinais son norte, sur, leste e oeste e represéntanse por N, S, L, e O. (Internacionalmente N, S, E e W).

            Nos puntos cardinais establecemos direccións intermedias como Noroeste (NO), Surleste (SL), Norleste (NL), Suroeste (SO).

            Os puntos cardinais serven para saber en que dirección queda algún lugar pero de forma xeral.

            Os puntos cardinais serven para orientarnos. Se tes pós cara ó norte, a túa espalda sinala o sur, a túa man dereita corresponde ó leste e a túa man esquerda sería o oeste.

            V  PARALELOS E MERIDANOS.

            Para poder localizar calquera punto da terra os homes inventamos unha serie de liñas imaxinarias chamadas paralelos e meridianos.

            Os meridianos son uns semicirculos que unen os polos de norte a sur. O meridiano principal é o 0 ou de Greenwich. Todos os meridianos son iguais.

            Os paralelos son circulos imaxinarios, perpendiculares ós meridianos . O paralelo principal é o ecuador. O ecuador divide a terra en dous hemisferios, hemisferio norte e hemisferio sur. Os paralelos son máis pequenos canto máis nos separamos do ecuador e máis nos acercamos ós polos.

            VI LATITUDE E LONXITUDE.

            Latitude e lonxitude forman as coordenadas xeográficas e serven para localizar calquera punto da Terra.

            A latitude é a distancia de calquera punto da terra ó ecuador, pode ser norte ou sur.

            A lonxitude é a distancia de calquera punto ó meridiano 0º, pode ser leste ou oeste.

            VII  A ESCALA.

            Os mapas representan a realidade de forma reducida. a escala indícanos a proporción existente entre a dimensión dun territorio na realidade e a dimensión que ocupa no mapa.

            Nos mapas a escala representase de dúas formas:

l        NUMERICA: represéntase mediante unha fracción. O numerador sería unha unidade no mapa e o denominador a correspondencia na realidade.

l        GRÁFICA:  represéntase por unha recta de dúas cores, cada segmento nos da o tamaño na realidade.